Stern y Mazda ta presenta e modelonan super excitante pa 2017. Mazda ta pionero den tecnologia avansa, siguridad y eficiencia. Cada modelo tin un diseño sumamente impactante cu ta resalta riba caminda. Autonan Mazda ta conoci pa nan calidad superior y durabilidad. ‘The Winning Line-up’ pa 2017 ta inclui e MAZDA2 y 3 den version Sedan y Hatchback, e Mazda CX-5 y e versatil Pick Up BT-50.
E MAZDA2 ta un modelo nobo den e segmento di autonan sub-compacto na Aruba. Den su version Sedan of Hatchback, e MAZDA2 ta ofrecebo e flexibilidad di escohe e modelo cu mas ta adapta na bo bida diario. Tur ta equipa cu power features, safety features, appearance options. Tur MAZDA2 ta construi cu e technologia SKYACTIV cu ta exclusivo di Mazda. Esaki kiermen cu no solamente bo ta core un auto ultra moderno, pero tambe cu ta laga bo spaar rond di un 25% riba consumo di gasoline!
E MAZDA3 ta ofrece e balance perfecto entre diseño, rendimento y eficiencia. E MAZDA3 tambe a wordo diseña cu e ‘driver’ den mente. E modelo Mazda3 Core+ ta combina e sentido di maneho excepcional, cu un nivel di equipacion sobresaliente y na un prijs hopi atractivo. E modelo MAZDA3 Hi den Hatchback y Sedan ta mas luhoso y adicionalmente ta bin equipa cu tecnologia SKYACTIV.
E MAZDA CX-5 ta un Crossover SUV sumamente popular den su segmento. E ta e prome modelo cu MAZDA a aplica e Tecnologia SKYACTIV completo na momento di diseña e auto. Esaki ta hasi e CX-5 sumamente placentero pa maneha, mientras cu por conta cu respaldo di engenieria avansa pa deseño, calidad, funcionalidad, comfort y siguridad.
Finalmente e serie di MAZDA BT-50 Pick Up cu ta obtenibel den enkel y dobbel cabina. E BT-50 ta un pick up comfiabel y duradero. Su diseño ta uno atractivo y deportivo, mientras cu e engenieria avansa di MAZDA ta percura pa motornan potente cu toch ta percura pa rendimento den consumo di combustibel. E BT-50 ta conoci pa su habilidad di maneho, amplio espacio pa carga y toch sufientemente sofistica pa a gana e nomber di “refined beast” riba mercado internacional.
Bo ta interesa den test-drive un MAZDA? Pasa serca nos na Stern y bin experiencia e placer y sinti e diferencia ora bo ta core un Mazda.
Stern Automotive Enterprises N.V. situa na Tanki Leendert 122 ta agente exclusivo pa MAZDA y ta cumpli cu mantene pueblo di Aruba informa di tur loke ta avancenan den e mundo MAZDA. Pa mas informacion tocante nos modelonan jama of bishita nos na Stern na 582-3838. Por sigui nos riba tambe riba Facebook: MAZDA Aruba.