Stellaris Casino a haci un evento cual nan ta haciendo pa 3 aña consecutivo, cu cada quarter, ta reconoce e top player na Stellaris Casino, segun Yadira Javois-Feliciana, kende ta Casino & Marketing Director & Slot Performance.
Riba e anochi aki a celebra e Platinum Player. Ta reconoce e hungadonan cu nan ta haya beneficionan extra cu nan no mester ni cambia nan punto of nan no ta perde nan punto. Ta un reconocemento adicional cu nan ta haya. Cada quarter nan ta cambia di fase. Pa bo keda un Platinum, bo tin cu keda hunga riba un nivel. Si bo ta un Gold bo por subi pa Platinum. Si bo ta Silver, bo por subi di Silver pa Gold y Platinum. Stellaris ta un di e casinonan cu ta haci esaki na Aruba. Ta consecutivo cu esaki segun Javois. E clientenan local ta masha contento mes. Nan ta full den esaki y riba e anochi aki, nan ta djis bin y nan ta haya danki di parti di e casino y ta anuncia cu nan ta Platinum y tambe bisa nan kico ta nan beneficio, cu ta core tur luna, caminda cu ta haya manera un brunch for two. Un platinum ta haya $200 tur luna. Nan ta haya $50 dollar pa bay come. Ta beneficionan cu tur luna ta wordo regala, pero e cliente mester ta Platinum. Henter e siman aki lo bay tin un evento. Awe nochi lo bay tin Gold y diahuebs lo bay tin Silver, cual ta un grupo basta grandi. Tur Quarter tin e evento aki pa e keyplayernan. Ta un programa diseña completamente pa nos localnan. Stellaris Casino no ta un casino cu simplemente pa bin gamble. Nan ta duna e balor y brinda e experiencia unico ora cu e hungado local ta bay e casino.