Sylvester Stallone, di 71 aña, a wordo acusa na November ultimo di abuso sexual di parti di un muhe cu ta sigura cu tempo cu e (muhe) tabata tin 16 aña e actor a intimid’e pa tene relacion cun’e den e camber di hotel. Segun e demandante, e agresion a tuma luga durante cu tabata filma un pelicula na Las Vegas, na 1986.
E supuesto victima a sigura cu Stallane a intimid’e pa tene relacion sexual cun’e y cu su bodygaurd Michael De Luca den e antiguo hotel Hilton, unda cu Stallone tabata hospedando mientras cu e tabata filma e pelicula, I, the falcon.
E strea di Hollywood no a laga e asunto keda asina y a ataca bek. Segun TMZ, e protagonista di Rocky a pidi autoridadnan pa habri un investigacion riba e muhe cu ta acus’e di violacion.
Segun e informe policial, Stallone, cu e tempo ey tabata tin mas o menos 40 aña y su bodyguard di 27, a obliga e muhe na practica sexo oral ariba nan y despues nan a viol’e.
E demandante ta sigura cu despues di a abusa di dje, e strea di Hollywood a menas’e y exigi di dje pa e mantene silencio, ya cu tur dos tabata casa.
Autoridadnan ta confirma cu e supuesto victima no a entrega denuncia e tempo ey, ya cu e tabata tin miedo, e tabata sinti’e humiya cu yena cu berguensa.
Abogado di Stallone, Marty Singer a sigura cu e informe di e muhe presenta na autoridadnan ta falso. Di otro banda, Stallone ta nega e hecho, pero ta admiti di a pasa tres dia cun’e durante un sesion di potret na Israel, na 1987.
Fuente:https://www.infobae.com