Stagiairenan di Kirklees College a bishita Sport Centrum San Nicolas IBiSA

Diahuebs 24 juni IBiSA SportCentrum San Nicolas a ricibi bishita di e studiantenan di Kirklees College .

Kirklees College ta un beroeps onderwijs na Inglatera na unda nan ta prepara nan studiantenan pa bay Universidad of prepara nan pa cuminsa cu nan carera como sport instructor. E studiantenan di Kirklees College ta bin Aruba pa nan ultimo luna di stage. Durante e stage e studiante ta practica diferente “Multi Sport’ cu e hobennan di  Aruba. Nan ta siña con pa maneha y dirigi grupo grandi di hoben relaciona cu deporte.

Mrs. Clair Brown, e presidente di e fundacion “Tur Cos Ta Posibel” ta hopi satisfecho cu e resultado y specialmente den e bario di San Nicolas, na unda e hobennan tin hopi energia y mester di hopi atencion. Pues un tremendo oportunidad pa haya sa si e studiantenan aki ta cla pa sigui cu e siguiente fase.

Si bo yiu tin edad entre 8 pa 12 aña y ta interesa pa practica deporte na SportCentrum San Nicolas IBISA durante e periodo aki por manda un e-mail pa “Gerro Koolman na [email protected] of manda un whatsapp na 6992900 of Tel. 5848903.

Comments

comments