BRASILIA, Brazil- Un dj a muri y tres otro persona a resulta herida diadomingo, ora cu bientonan fuerte a benta e structura di un escenario den un festival di musica electronico den sur di Brazil.
E festival a reuni entre 4 mil pa 5 mil persona den un parke di Esteio, na 25 km di Porto Alegre, ora cu e a incidente a caba cu e bida di Kaleb Freitas, di 30 aña.
E rafaganan duro di biento den sur di Brazil a pone cu e luz y sistema di zonido a bin abao ariba e escenario. Ey riba tabata tin Kaleb Freitas, mientras cu casi 5 mil persona tabata bailando abao.
“Kaleb tabata hopi stima pa tur hende. E tabata bon hende, un persona stima pa tur”, según e website G1, describiendo palabranan di Jessika Pila, bisiña y amiga di infancia di e victima.
Videonan graba pa esunnan presente y divulga den rednan social ta mustra e momento cu e sistema di zonido y di luz ta cay ariba un di e escenarionan. Un rato prome tabata por a wak un multitud bailando y disfrutando dilanti di e escenario, a pesar di e biento fuerte.
E incidente ta bou di investigacion pa autoridadnan. E fiesta tabata tin tur su permisonan na ordo, pero e structura di e escenario, parcialmente habri, no a wanta e rafaganan duro di e biento.
Fuente:https://www.infobae.com