Gobierno mester bay actua cu man duro, vooral den companianan estatal. Sr. Diego de Cuba, di sindicato STA ta amplia.
Sr. de Cuba a sigui bisa cu sindicato STA a logra di caba cu varios dictadura, y esun na Triple A ta uno ams cu nan lo caba cun’e. Si sindicato STA haya sosten di su miembronan, pa locual ta Jim Fazzio, lo bay exigi su cabes. Si e trahadonan di Triple A, sostene e sindicato STA lo bay pidi cabes di Fazzio. Y esaki e ta haci’e publicamente, pasobra cu ta algo bochornoso cu un persona di afo ta bin traha na Aruba, y Schiphol Group por manda ken cu ta, pero Sr. Fazzio mester bay.
Expresionnan di Sr. Fazzio haci den reunion, no ta aceptabel pa sindicato STA. Y esaki ta algo di lamenta. STA tin tur e documento y nan lo pasa prensa tur e documentoann aki na prensa, pa asina henter pueblo haya sa con duro STA a traha pa trece un cambio den e fondo di pension pa Triple A NV.
A splica Triple A NV na placa chikito, cu tin companianan di seguro cu a lanta bela bay, y laga tur e trahadonan sin nada. Tabata tin Empire, y demas, y tur hende cu tabata tin seguro di bida, ora cu e companianan aki a lanta bay, nan a perde tur nan placa. Y por bisa, cu con cu bir’e, APFA ta di Aruba. Y ta pa es motibo aki tambe, STA a informa Minister Dangui Oduber di e sucedido na Aeropuerto, locual cu STA ta lamenta profundamente. Nan nunca a spera cu e director lo a actua di un manera asina arogante y dictadorial, contra di STA. Y aworaki, segun Sr. de Cuba, e lo tin cu para pa e consecuencianan, pasobra cu STA lo bay contraataca, y lo bay exigi asina mes cu el a firma, ta bay pidi minister pa laga pone un votacion.
E trahadonan mester dicidi. Si e trahadonan dicidi cu nan kier keda cu Guardian, ta ok. Pero si nan dicidi cu nan ta bay cu APFA, ta kibra e contract cu Guardian y ta bay APFA. Y si e kiebro di e contract ta costa 2 miyon, Jim Fazzio lo paga esaki. Pasobra cu e trahadonan no a haya oportunidad pa expresa nan voto, nan opinion y nan deseonan.
Locual Sr. Jim Fazzio, director di Triple A NV, como un bon doño di trabao, a haci, ta algo totalmente robes y STA ta condena esaki severamente. Y Dios mediante, dialunda proximo, STA lo tin un reunion cu Su Excelencia Sr. Dangui Oduber, minister encarga cu Triple A NV. Y nan ta spera cu minister compronde e seriedad di e cos aki, pasobra cu e tin un raiz mas profundo y lo splica minister debidamente, ariba e raiz aki.