Pa Sr. Diego de Cuba di STA no por ta posibel cu placa ta ser gasta pa bin cu un planta pa cu sushi y nada a ser haci pa cual STA a pensa e ora cu ya no por uz’e cu tur sushi por haci si cu mata y palo y haci esaki un tipo di gordura.
Na principio ora cu a cuminsa cu reunion, gobierno y sindicato tabata hopi leu di otro . E planta di Parkietenbos, tin hopi tempo para. Ta 32 miyon florin ta para, siendo cu por haci uzo di e planta. STA a bin cu e idea pa ministernan, pa cambia e uzo di e mashin pa shred palo so, tur desperdicio di mata, ta shred e y e mesun material cu saca djeynan, por uze bek den naturalesa. Te hasta por exporta esaki.
Ministernan de Meza y Sevinger a bay di acuerdo cu e idea. Esey tabata un di e prome ideanan cu a sali di parti di Sindicato STA. E planta di Parkietenbos ta uno basta grandi, y e trahadonan di Serlimar ta formando un team caba pa dun’e full un clean up. Lo busca e mesun hendenan cu a traha cu e planta den prome instancia, pa wak kico falta pa pone draai pa e proceso ey di shred desperdicio di mata. l
Esaki ta un fase cu segun Sr. de Cuba, por wordo cumpli cun’e paso e ora no ta bay tin mester di e chiller pa fria dus e planta no ta bay wordo rehabilita den su totalidad, pero e pida cu por uza pa cuminsa shred mata, esey ta e prome faste. Despues lo wak kico mas por wordo haci.
Pero mester ta sigur cu e planta ta keda draai. Aworaki tur hende por wak cuanto truck yena cu mata cu desperdicio di mata, cu yerba, y tur esakinan por wordo reuza bek den naturalesa. Sindicato ta hopi contento cu Minister Sevinger y Mike de meza a bay di acuerdo cu e proposicion.
Sr. de Cuba, hunto cu Minister lo bay wak e posibilidad na Venezuela, cu por transporta cierto cantidad di sushinan pa Venezuela ariba barco grandi. Esey ta un di e tareanan cu Sindicato STA lo keda encarga cun’e, cu autorisacion di Minister.
na final di cuenta, ta pais Aruba ta sali beneficia di dje y naturlamente e trahadonan tambe lo tin mas cos pa haci. Den futuro, Aruba lo sigui crece y desperdicio lo tin na cantidad y mester busca manera di handle e na un manera mas eficiente.
Den dos siman di tempo mester por yega un solucion pa cu e planta por cuminsa draai back cu e matanan y palo cu ta drenta tur dia riba e tereno di dump.
Lo mester evalua e piesanan, pa loke ta trata coriente, kabelnan di koper pero lo haci un inventario y wak berdaderamente kico ta e gastonan pa restart e planta, presenta esaki na minister y si minister bay di acuerdo, lo pone e planta bek den operacion. Lo pone personal tambe na dispocion di e makinaria.
Ta cuestion di tempo aworaki, pa pone den operacion. E personal di Serlimar, cu ta prepara pa traha cu e planta aki lo bay traha bek den e planta. E unico duda cu e personal tin, cu si e planta ta keda draai, pa 5 of 10 aña.
E vision di Sindicato STA ta algo cu por haci algo cun’e y tempo lo demostra cu STA tabata tin razon. Ora cu rehabilita e planta, pa shred mata, kisas den un futuro lo bay shred tire tambe. Lo shred tur tire, ponenan den bulk. Tire ta tuma hopi espacio, pero si shrednan chikito por shipnan for di e planta.
STA ta bay un stap mas leu, cerca e conexion cu tin ayabou, pa purba haya e contactonan necesario, pa wak con ta transporta locual cu Aruba no tin uzo mas pa nan. Kisas, mirando e situacion cu Venezuela ta aden, porta cu ayabou nan si lo tin uzo pa e materialnan aki.