Despues cu a ser bisa cu dump lo pasa pa un comoania priva y trahadonan a drenta den welga, sindicato STA a bay sinta na mesa cu minister di medio ambiente pa haya sa kico tin di berdad segun Diego de Cuba di STA.
Den Cuba a analisa precisamente loke a pasa, cu e accion aki a bay on. Tin declaracionnan a sali den prensa caminda cu un hende a sali grita cu un hende lo bay cera e dump di Parkietenbos, pero esaki no lo bay ta e caso. E dump na parkietenbos lo bay keda sisti.
Parkietenbos lo bay ta den un sistema caminda cu lo bay sanea e teritorio, pero esey ta un proceso cu tin di bay den fase. Ta logico cu mester bay busca un modo pa procesa e sushinan ey. Pero esaki ta un tarea di Gobierno, preocupa cu esey y con e tin cu wordo haci. Parkietenbos no ta wordo cera. Esey ta e grito cu a tende pa varios dia den prensa. No sa ken a grit’e, pero esey tabata e caso.
E accion cu a bin eynan su tras, ta un accion cu STA a ripara kico a pasa y kico a conduci na e accion aki. Segun de Cuba, tabata tin mal comprondemento y mal contento. Tabata tin un hende cu a wordo retira for di trabao y logicamente ta compronde cu e persona aki a causa bastante problema na e compania, y a haci basta bochincha tambe. Tabata difamacion total contra STA. Por ultimo el a desemboca cu nan a kit’e for di trabao door di un fayo grandi cu el a comete. Pero e accion riba su mes ta hustifica. Loke cu nan a haci, nan a haci’e bon. No a avisa STA na tempo. Tin hopi miembro den Serlimar. Awor, aki despues di diahuebs, despues cu reuni cu tur empleado, lo bay aclarea e asunot aki.
Loke ta pasa ta, cu ayera ora cu a bay reuni cu minister de Meza, a splik’e cu dia cu STA a solicita un referendum pa Serlimar, e tempo eynan mediador di Gobierno a haci e trabao di bay papia cu Serlimar y Serlimar a bisa cu no mester bay referendum pasobra tin mayoria y ta dispuesto pa firma un proces verbaal, reconociendo STA como e sindicato cu ta representa e trahadonan y tin e documento ey y esey a hiba pa minister tambe. A bisa cu nan no ta tene cuenta cu STA tin representacion di e empleadonan di Serlimar.
SEPPA tambe tin miembro eyden, pero mayoria di nan a bay laga SEPPA y a bira manera un rancamento di siboyo. Hecho ta keda cu ta un documento tin y e documento eynan ta un documento oficial firma pa mediador di Gobierno, legalmente STA ta representa e trahadonan di Serlimar.