Relaciona cu cierto campaña cu a tuma luga en contra di Sr. Diego di Cuba cu e lo ta envolvi cu e situacion di coriente cu a bay diabierna den un grabacion cu nan a pone riba social media, cual tabata di aña pasa, y siendo e mesun director Sr. Luis Oduber a bisa cu ta nan sistema cu a confronta problemanan tecnico anto ta duna oportunidad pa defende su mes riba esaki. Sr. Diego di Cuba di STA ta aclarea e situacion.
E punto di bista di Sr. di Cuba ta cu e ta lamenta locual a pasa na WEB unda cu hopi hende ta culpa STA unda un voicenote cu a bira viral tabata un voicenote cu a bay pa empleadonan di STA di un reunion cu a tuma luga na September aña pasa.
STA no ta bay tuma un accion cu por a perhudica y si mester haci nan ta avisa y mester ta consciente cu turismo ta e unico pilar economico cu tin awor. E trahado di WEB cu ELMAR mester sa con pa maneha e situacion pa locual ta coriente cu ta hopi serio y no ta mira e salida mas.
No ta descarta pa e posibilidd di bah’e, pero STA ta consciente si cu mester tene cuenta cu pueblo y turistanan, unda en berdad e personal encarga cu STA ta esun di Elmar siendo cu sindicato di WEB ta SIWA, pero ta aclarea cu STA no tin nada di haber cu e fayo den coriente.
Den caso aki ta keda aclaria cu STA no tin ni arte ni parti unda cu tin hende cu mente troci cu kier a purba di spanta hende. Pero si scucha e grabacion bon por deduci cu tabata un grabacion bieu di aña pasa.
Sr. Diego de Cuba, por ultimo e mensahe di sindicato STA a bisa pa ultimo cu e situacion aki ta hopi fastioso y ta spera cu trahadonan di WEB por a recupera e planta y haya suministro di coriente bek mas lihe cu ta posibel.