Ora bo tin un sindicato den un negoshi e doño di trabou no ta tratanan manera un sindicato pafo y pesey e trahadornan di Unicon a uni na STA, segun presidente di e sindicato, Diego de Cuba.
Problema di AMC Unicon, a premira esaki pa basta aña atras. No ta di awo a acerca e sindicato. Kico ta pasa cu e sistema di e sindicato cu nan ta uzando den AMC Unicon actualmente ta un sistema manera nan ta hacie na Hulanda, style di ondernemingsraad. No ta mesun cos, segun de Cuba. Akinan companianan grandi, caminda cu tin 1000 of 2000 trahado ta afilia y caminda cu tin hendenan cu ta di e compania di parti di e trahadonan y tin di parti di e gerencia hinca aden. Loke ta pasa ta cu e no a funciona manera debe ser. Aki ta caminda cu e trahadonan a cuminsa perde confiansa y nan ta bisa cu si nan ta keda eyden of nan ta bay bek pa un sindicato di afo. Loke a pasa ta cu ta sospecha cu tabata tin problema caminda cu abogado mester a wordo envolvi y akinan ta caminda cu e rabo di porco ta krul. Tin e abogado di e compania, tin di bay sali na defensa di e trahadonan. E ora ken ta bay defende. Ta bay defende e compania of e trahadonan. Manera un hende cu kita for di trabao, ta bay defende e trahado, of ta bay defende e compania. Aki el a bira un conflicto di interes y a bisa cu no ta funciona. Esey ta un di e motibonan principal tambe cu nan a afilia na e sindicato STA y tin cu bisa cu ta felicita e trahadonan di AMC Unicon, di e departamento di airco, pasobra ta 18 hende cu tabata tin cu derecho di voto, aunke cu tin mas hende cu ta miembro, tur 18 a bin vota. Den menos cu 10 minuut e referendum ta tras di lomba y ta poco biaha e ta pasa. Esaki a yega di pasa na Paradise Beach Village un biaha. Manera esaki, de Cuba no a mira un referendum cu a bay asina lihe. Un biaha mas, de Cuba ta felicita e trahadonan di AMC Unicon. Ta hendenan cu ta decidido, pasobra nan a dicidi algo y nan a bay pe. Ta toca na STA pa manda un protocol pa manda AMC Unicon y tambe un concepto di un contracto colectivo. Pero esey tin di bay deliber’e cu e trahadonan logicamente ora tin’e den otro. Tin hopi concepto cu por bin cun’e. Awor tin cu bay wak kico ta bay scoge y e ora nan tin cu nombra algun shopsteward pa asina pone e bala cuminsa lora, segun de Cuba.