Sindicato STA ta duna Arubus te cu dia 30 di september 2018 pa nan por drecha e situacion di e busnan den mal condicion. Esaki ta pa siguridad di tanto e chauffeurnan como e pasaheronan. Sr. Diego de Cuba, lider di sindicato STA ta amplia.
Kisas ta falta di hopi mas inspeccion, cual Sr. de Cuba ta referi na director di DTI pa splica e dicon e busnan, si ta den mal condicion, ainda ta den uzo. Ni e minister y ni e director no por duna contesta ariba e preguntanan cu tin. Un departamento cu ta responsabel pa e situacion, aunke e no ta cay bou su maneho, e ta cay full bou di e responsabilidad di e dicho departamento.
Den e pida eynan, ta caminda cu mester bay trece un solucion rapido. Y locual cu Sr. de Cuba ta purba splica, cu di 8 bus cu mester subi caya, ta 5 of 6 ta subi caya, cu ta den optimal condicion, eseynan ta subi caya. Rutanan lo tin di cay afo, si tin mester. Y hisa e rutanan cu ta satisface e clientela. Laga busnan dne bon condicion subi caya.
STA no por culpa ni e minister ni e board actual di e situacion di Arubus, ya cu esaki ta un problema cu nan a hereda. E gobierno actual ta buscando manera pa drecha e situacion. Ta e directiva actual di Arubus mes a pone fecha limite di dia 30 di september. Ta buscando tur manera pa drecha e situacion.
Pais Aruba ta pasando den momentonan dificil financieramente y awo lo mester bay cremencha. E hendenana aki, segun Sr. de Cuba, ta pasando den un test, den forma di bisa, den gobernacion di Aruba.