E reaccion di pueblo, principalmente e prome grupo cu mester a haya e vacuna, tabata asina positivo cu a permiti Crisis Team pa aumenta e capacidad pa vacuna persona.
Esaki lo bay tuma luga na Centro Libertador Betico Croes na Santa Cruz.Den combersacion cu Rino Hermans di Departamento di Calamidad, el a splica e motibo pakico a aumenta e capacidad.Na prome luga, a dividi Aruba den diferente categoria cuminsando cu esnan mas vulnerabel y 60+.
Rino Hermans, di Departamento di Calamidad.
A resulta cu e prome grupo a reacciona positivo y gran mayoria ta vacuna caba.
E di dos motibo ta cu den e area a crea poco congestion y a probecha cu ta bay amplia e capacidad pa adapta e ruta pa e pashentnan cu ta yega. Awo nan tin cu staciona patras di e Centro, unda e persona ta registra tambe pa despues drenta paden, tuma e vacuna y sali patras bel. A coordina henter e ruta cu DOW. A pone tambe un parkeerplaats dilanti pa esnan descapacita.
Di e forma aki a elimina e situacion incomodo cu tabatin riba e caminda di Sta Cruz durante un luna y mey.Un persona cu yega eynan ta registra, warda, haya vacuna y warda pa e efecto lo dura maximalmente 50 minuut.Aworaki tin dos post di vacuna di cual e di dos ta Sta Teresita Center.