Diabierna atardi sindicato STA hunto cu su delegadonan na Guarda Nos Costa a reuni cu Minister Andin Bikker na Guarda Nos Costa. Sr. Diego de Cuba ta elabora.
Manera tur hende sa, e situacion cu e minister di Husticia actual a hereda for di e minister anterior no ta nada bunita, nada netchi y un caos completo. Vooral pa e departamento aki, di Guarda Nos COsta. Tin hopi departamento cu mester di atencion.
Durante e reunion, a trece e puntonan dilanti cu ya a cuminsa traha ariba dje for di mas di un luna pasa, pa wak e situacion con leu nan ta. STA ta hopi contento cu e minister a sa di atende e asunto na Guarda Nos Costa manera debe ser. STA tin pleno confianza den su persona pa atende e situacion aki mas pronto cu ta posibel. Guarda Nos Costa ta un departamento hopi importante pa cu e comunidad di Aruba.
Recientemente a tene un accion den e manscamp na Citgo cual a duna su fruto tambe. Pa e motibo aki e minister a confirma cu e ta hopi contento cu e accion aki y esey ta demostra cu e minister ta hopi bezig cu departamento aki, y mester remarca un biaha mas cu loke nan a hereda no ta nada netchi, segun Sr. Diego de Cuba, lider di sindicato STA.