STA awo ta representa trahadonan di Post Aruba NV, despues di a gana e referendum cu 69 voto na fabor. Un total di 93 trahado a participa na e referendum. Sr. Diego de Cuba di STA ta splica ariba esaki.
Sr. de Cuba a keda sorprendi cu sindicato SEPPA no a participa den e referendum. Pero ta sindicato STA tin cu drenta tur caminda pa drecha loke otro sindicato ta daña. Kisas tin cierto trahadonan cu no a vota pa STA of niun sindicato, pero e trabao na Post Aruba NV ta grandi.
Poco dia den e referendum na APA STA no a participa na e referendum, y e resultado di e referendum a laga STA cu e mayoria. Mirando e cantidad di hendenan cu a bin vota, por bisa cu e storia di SEPPA ta scirbi. Post Aruba NV a vota pa un cambio. Tin trabaonan pa haci na Post Aruba NV. E gerencia di Post Aruba NV a briya cu nan ausencia y esaki segun Sr. de Cuba, ta un señal pa minister Chris Romero. Ta tempo pa trece un mehoracion den Post NV, mester cuminsa actua. STA lo para tras di e gobierno cu trece mehoracion den Post NV. Trahadonan di Post Aruba NV merece miho y mester bay drecha loke a wordo daña. Ta straño cu e sindicato a laga cosnann asina pasa, manera cu ta laga e compania estatal sangra muri pa faborece compinchinan politico.
Minister Chris Romero a haya tur e informacion y lo pidi un reunion cu minister Romero, unda cu e trahadonan di Post Aruba NV lo sa di vocifera nan preocupacionnan, segun Sr. Diego de Cuba, di sindicato STA.