Maroeschka Cornelie, docente di St Paulus College, a comenta riba e topico HERO cu nan a presenta e aña aki pa un aña escolar nobo.
Sra. Cornelie ta elabora tocante e logo cu a ser introduci na e muchanan. E logo ta ilustra cuater mucha cu ta diferente na otro. Nan a scoge e palabra “HERO” cu ta referi na “Help Everyone, Respect Others”. Hopi hende ta bay bisa cu nan a uza Ingles, pero den sra. Cornelie su opinion, nan ta den un scol multilengual, dus nan ta uza diferente idioma pa diferente cos. Nan ta mustra e muchanan cu mester tin respet pa otro den tur forma.
https://www.facebook.com/masnoticia/videos/226674421307503/
Segun sra. Cornelie, nan no ta bay enfoca riba e parti negativo cu ta e termento, nan ta bay mas riba e banda positivo. E logo ta ilustra cuater mucha teniendo man, pasobra nan kier mustra e muchanan cu nos mester ta uni y demostrando respet na otro. Nan a tene un workshop hunto cu Telefon Pa Hubentud, anto di eynan un docente a bin cu e idea di e cuater muchanan, mientras un otro docente a bin cu e idea di con e mester ta hinca den otro. Den vakantie, sra. Cornelie a ehecuta esaki y pon’e riba muraya di St Paulus College.
Sra. Cornelie ta sigura cu una bes muchanan tin respet pa otro, e termento lo bira menos.