PHILIPSBURG, St. Maarten- Actualmente St. Maarten ta totalmente inaccesibel. Un helicopter di Defensa Hulandes lo bula pa St. Maarten diaranson anochi pa 8 or pa asina determina na unda lo por baha. E terminalnan di barco y e piernan ta totalmente destrui y e pista di aterisahe a sufri dañonan cuantioso.
E toren di e airport di St. Martin (Frances) a cay ariba e pista di aterisahe y lo tuma algun siman prome cu e St. Martin por haci uzo di su pista di aterisahe. Vuelonan comercial entre St. Maarten/St. Martin por lo pronto lo no ta posibel. Defensa Hulandes lo habri un “Luchtbrug” asina cu Defensa Hulandes duna autorisacion pa habri e airport di St. Maarten. Extra pilotonan lo ta biniendo for di Hulanda pa asina yuda den e brug aereo aki.
Actualmente tin 10 shelter, di cual 5 ta den funcion. Un di e prome prioridadnan ta pa amplia e cantidad di shelternan operacional teniendo cu bista ariba e horcan Jose cual lo por yega St. Maarten pa diasabra of diadomingo.
Fuente: http://www.knipselkrant-curacao.com