ST LUCIA- Despues di diferente consulta cu ‘stakeholders’ den e industria, 1 di april binidero turistanan bishitando St Lucia lo experencia cambionan den e tarifa total cu nan ta paga durante nan biahe pa St Lucia, cual gobierno di Santa Lucia lo uza pa e mercadio y desaroyo di e isla.
Tur proveedor di acomodacion riba e isla esta, hotel-, villa-, apartamentonan etc., lo mester cobra nan huesped durante nan estadia un suma di mas o menos 3 pa 6 dollar, respectivamente na un tarifa pa anochi bou of riba e suma di 120 dollar. E suma cu e proveedornan lo ricibi, lo wordo colecta di oficina di turismo di Santa Lucia.
Bishitantenan cu ta haci uzo di otro acomodacion manera Airbnb y VRBO lo mester paga 7% extra como ‘accommodation fee’ riba e suma total cu nan ta paga pa nan estadia.
E negoshi di promove un destinacion turistico sigur ta uno altamente competitivo den e paisnan rond mundo, pero esaki no ta para St Lucia Tourism Authority pa sigui desaroya. Oficina di turismo di St Lucia ta expresa cu nan lo traha duro pa crea conscientisacion den e imagen di nan pais.
Minister di Turismo señor Dominc Fedee ta expresa cu e mercadeo di e destinacion lo beneficia tur es trahando den e industria turistico. Ademas, señor Fedee ta expresa: “cambionan semper ta un desafio vooral ora ta trata pa paisnan chikito ricibi recursonan necesario pa desaroya nan mercadio turistico. Pa es motibo e “accommodation fee” ta permiti libera fondonan necesario di e pais manera atencion medico, educacion y pa e seguridad di e pais”.