Apreciabel mayornan,
Permiti mi pa den nomber di nos team informa lo siguiente.
E informacion aki ta primeramente pa evita confusion innecesario cerca e mayornan y alumnonan di ST. DOMINICUS COLLEGE.
Laga mi enfatisa cu e participacion aki ta conta pa ST. DOMINICUS COLLEGE, pues no necesariamente pa e otro scolnan.
NOS, DI ST. DOMINICUS COLLEGE lo NO habri dia 18 di mei.
Mi ta clarifica y bisa cu cada scol lo bay habri den e simannan venidero, pero segun e posibilidad di cada scol. Esaki pa motibo cu pa CADA scol e condicionnan pa start bek ta diferente. Y cada scol mester bay traha pa yega lo maximo posibel na e condicionnan cu Departamento di Salubridad (DVG) a stipula.
Actualmente nos ta trahando hunto cu demas scol di SKOA pa yega na cumpli cu e condicionnan stipula. Di e forma aki SIGURA MAS cu ta posibel pa ora e alumnonan bin bek na scol, cu nan ta den un edificio SAFE y HYGIENICO tanto pa nan como pa nos personal di scol.
Mientras tanto lesnan ta sigui online manera nos a bin ta haci for di principio di e situacion di COVID-19.
Ora cu yega e momento cu ST. DOMINICUS COLLEGE ta cla pa habri, nos lo notifica TUR MAYOR y ALUMNO via NOS medionan di custumber, Facebook , Email of Whatsapp.
Esaki nos lo haci cu suficiente tempo di anticipacion.
Di antemano nos ta gradici TUR MAYOR pa nan comprension y cooperacion den e situacion di gran reto aki pa nos tur.
Danki pa e cooperacion cu semper boso a sa di brinda nos scol.
Saludos,
Caroline Cardose
Cabesante SDC