St. Aloysiusschool prome scol cu a tene un simulacro di candela

Diabierna ultimo St. Aloysiusschool a tene un dia di Prevencion. Tabata un dia sumamente educativo caminda tur klas a haya demostracion di 6 diferente instancia entre otro: Brandweer, Polis, Ambulance, Slachtoffer Hulp, Self Defense y Brand Blusser Simulatie. Despues di e demostracion/workshop St. Aloysiusschool conhuntamente cu e 3 instancianan Brandweer, Ambulance y Polis a hasi un Simulacro oficial di Candela na dicho scol. Tabata siman di preparacion caminda tanto e maestronan, como tambe e alumnonan a haya workshop riba prevencion pa na final por a hasi un Simulacro oficial y cu e proceduranan oficial. Tabat un simulacro hopi productivo, cu ta habri caminda pa mas scolnan na Aruba por tene workshop y simulacro riba prevencion cu ta hopi importante y necesario pa nos muchanan y maestronan. St. Aloysiusschool kier a gradici tur persona cu a hasi nos dia di prevencion posibel: Brandweer, Polis, Ambulance, Slachtoffer Hulp, Self Defense, Brand Blusser Simulatie, Compra N.V., Caribbean Overseas, Playa Liquor, Oduber Agencies, Casa Haime, Domino’s Pizza, Italia Aruba y Andina Ice. Un danki special na Jufr. Julisa kende tabata encarga cu e dia di Prevencion, Sr. Lito Lacle, Sr. Liberato Hoek, Sr. Ferdinand Ponson, Sra Jeanine Rodriguez, Sra. Melissa Noguera, Sr. John Tromp, na tur maestro di St. Aloysiusschool, nos cabesante mr. Vladimir y tur persona cu a coopera pa nos dia di prevencion por tabata posibel y exitoso.

Comments

comments