St. Aloysius ta pasando den duro y mester di un mantencion urgente

Vladimir de Cuba, kende ta e cabesante di St Aloysius School a splica cu nan a perde docentenan pa via di stof y desaroyonan cu ta pasa na e school, mirando cu e school aki ta sin airco y sin haya matencion.
E koper a wordo soluciona, pero e stof no a wordo soluciona ainda. Ki ora cu tin biento halto, e mucha y docentenan ta sufri bao di e problema di stof.
E klasnan no tin airco y esey ta pone cu e stof ta drenta di tur manera cu por. Si cera e bentana, e muchanan ta bay keda den hopi calor y e klasnan cu bentana habri ta calor caba. Tin di laga e bentana y portanan habri. E stof ta drenta y tambe durante pauze, tambe ta fastioso. E muchanan ta hunga, pero e stof ta un molester.
E scol a perde algun bon colega den pasado. Si e docente ta sufri di asma of algo otro, dado momento ta entrega spada. Ta pidi pa un cambio pa un otro scol y no por tuma nan na malo tampoco.
E stof ta un di e factornan importante, e tereno di scol ta hopi bruto y te dia di awe nan no a haya un capa nobo di asfalt. Asina mes, nan a keda mantene considerabel di alumno na e scol. E mayornan ta keda si cu e confiansa cu e maestronan. Apesar di tur e situacion, nan ta keda bin cu animo pa traha y yuda e muchanan pa nan bay dilanti den nan enseñansa. Na 2006, e scol a haya un trabao di lapi, cual ta 10 aña pasa, segun de Cuba.

Comments

comments