KOTTE, Sri Lanka- Gobierno di Sri Lanka a anuncia e estado di emergencia pa “tuma pasonan mas fuerte” despues di e violencia entre budista y musulmannan. Esaki segun un informe di Aljazeera.
E medida ta bin despues cu dialuna a anuncia un toque de queda local den e ciudad di Kandy, den e centro di e pais, despues di dianan di disturbio entre e dos comunidadnan religioso. Un homber di religion Budista a muri den e disturbionan y varios negoshi musulman a wordo cendi na candela.
Tension entre e dos comunidadnan a bin ta aumenta desde aña pasa. Algun grup Budista ta acusa Musulmannan di obliga nan di comberti na Islam y di forma parti di atakenan vandalisticio na sitionan arkeologico Budista.
Algun nacionalista Budista a protesta tambe contra e presencia na Sri Lanki di refugionanan Rohinya di Birmania.
Musulmannan na Sri Lanka ta representa 10% di un poblacion di 21 miyon habitante, mientras cu e Singalesnan Budista ta forma 75% di pblacion. E resto di 13% ta Hindu.
Fuente:https://actualidad.rt.com