Pa aña 2017, Aruba lo tin un total di 17 mil hende cu nan zorg pas di AZV lo vence y p’esey ta bon pa e hendenan cuminsa bay renoba . Sra. Solange Tchong, PR di AZV ta splica.
Aña 2016 tabata un aña positivo pa AZV cu a cera e aña cu 2701 cu mester renoba nan zorgpas ainda. Di e 2701 personanan aki, por dividi nan den 2 grupo. Di e 2701 tin 1310 persona cu ta di 2015, dus den e grupo cu a resta, tin e cantidad aki ainda. Dus den 2016 ainda tin 1391 persona cu den 2016 mester a pasa y renoba zorgpas.
Mirando e cantidad total, toch e tabata un bon aña, den cumplimento di e cliente cu AZV y cu su mes. Sra. Tchong ta remarca, cu e zorgpas ta pa e cliente haya su cuido medico cual ta algo hopi importante. AZV semper a bisa cu malesa ta algo cu por bati na porta na cualkier momento, ni maske con hopi preveni.
E buscamento di zorgpas toch a bay positivo. Pa 2017 AZV ta spera 17506 lo mester bin pa renoba nan zorgpas. Tur aña ta keda cu un gap, y AZV, pa medio di cartanan directo manda na adres di e cliente, p’asina toch eigenlijk mustra e cliente riba e importancia pa nan pasa y renoba e carchi. E cantidad a baha, aunke AZV lo kier pa e cantidad baha na 0, pero ta keda na responsabilidad di cada cliente pa nan pasa na oficina di AZV y renoba nan zorgpas.
Un otro intento cu AZV ta haci ta door di traha hunto cu Censo, AZV ta monitor adres di e clientenan, pa wak si eynan lo por tin diferencia. AZV tabata uno directo, door di manda carta pa keda recorda nan pa nan renoba nan zorgpas.
