Diaweps merdia pa 2 or di atardi, nos a entrega e keho penal kontra di ministernan aktual na nomber di 5 partido politiko, un fundashon y 788 persona individual. Djis despues di esei Sra. Larmonie a disidi di tuma su retiro. E ta duna nos e impreshon ku e retiro tin di haber ku e keho penal y no un aanwijzing for di Hulanda. E keho ta entrega y pesei ta algu real, e aanwijzing ta simplemente spekulashon y sin ningun base real. Adjunto bosnan ta haña un kopia di e keho penal huntu ku tur documento ku a bai huntu ku ne.