Sra. Ludwina Krosendijk- Flanegien ta recorda cu 30 aña pasa el a cuminsa traha na Wit Gele Kruis, caminda cu Sr. Hipolito Tromp d.f.m. a tum’e como invalster . Pero despues di tempo el a wordo tuma den vaste dienst di Wit Gele Kruis.
Sra. Krosendijk ta splica cu el a cuminsa como secretaresse y awendia e ta Assistent di Director di Wit Gele Kruis, Sr. Gino Goeloe. E ta conta con el a cuminsa den su carera na Wit Gele Kruis, caminda antes e trabao tabata wordo haci handmatig, tur cos tabata wordo skirbi nan man, of riba type machine, caminda cu si bo haci fout, lo bo mester cuminsa full di nobo. E trabao di antes, tabata hopi mas dificil ya cu no tabata dispone di technologia manera cu nos conoce awendia. Antes tur cos tabata handmatig. Pero awendia cu tecnologia e trabao a bira hopi mas facil.
Segun Sra. Krosendijk, por mira hopi cambionan, como p.e. antes e edificionan tabata hopi verval,y cu esakinan a cambia. Y antes, Wit Gele Kruis no tabata mucho conoci den pueblo, den cuido di nos muchanan y di nos grandinan. E cambionan cu Sr. Gino Goeloe, Director di Wit Gele Kruis a trece tabata faborabel. Asina Sra. Ludwina Krosendijk- Flanegien a termina bisando.