Sra. Lilliana Rasmijn vocero di Polis a informa cu e ultimo dia pa entrega e permiso ta 15 di November, 2019 cu ta riba un Diabierna y semper tur cos ta wordo coordina dor di tur departmento hunto y por a compronde tambe cu e peticion tambe compara cu aña pasa a keda casi mesun cos, entre 70 pa 80 peticion e aña aki atrobe. Segun Sra. Rasmijn mayoria peticion a wordo haci for di tempran caba dus ta poco cos por pasa na ultimo momento ta bin haci nan peticion. Pero mayoria biaha ta e hende cu normalmente sa bende klapchi caba tur aña y nan ta bin di biaha manera aña habri haci nan peticion. Loke ta e rekisitonan, cada kende sa caba kico nan ta ya cu e ta proceso di tur aña y aunke berdad tur aña ta bira mas riguroso den e controlnan pero ta pa recorda tur e re-bendedornan, paso ta bai tin reunionnan cu nan tambe, caminda cu lo pasa riba e lista di tur regla un biaha mas y caminda Sra. Rasmijn ta pone enfasis riba e seguridad di e pueblo y pa esun cu ta bende esey ta importante pa tur hende. Sra. Rasmijn a sigui bisa cu no ta intencion di kit hende di disfruta di e sendemento di vuurwerk pasobra e ta parti di nos tradicion pero ta di opinion cu e control cu tuma lugar mester ta mane debe ser y tur hende sa di dje, tur ta hende grandi suficiente y caminda mester bisa cu Cuerpo Policial ta para mas tanto pa e seguridad pa entre otro no bende vuurwerk cu muchanan menor di edad y tambe ta haci suplica na e mayornan na cas pa tira bista riba e muchanan ora di sende vuurwerk pasobra mucha ta bira wowo di hende masha liher mes. Pero Sra. Rasmijn a bisa cu un fin di aña ta yegando y tur departamento di control lo bai controla manera debe ser.