“Loke a mayornan a haci cu mi yiu no ta bon, pasobra awo na ta tenta e mucha cu e ta gay.” E hecho aki sra. Gladys Saladin, ta lamenta masha hopi mes, den e caso particular aki.
Sra. Saladin a relata cu e tin hopi dia sin drumi. E mayor cu a reclama e mucha na scol, a haci e yiu hopi daño. E ta un hende grandi y a bay pa e mucha na scol. El a gaña riba e mucha y awo e muchanan ta tenta e mucha na scol, pa no hunga cu nan pasobra e ta gay. Esaki ta hopi malo, segun sra. Saladin.
Sra. Saladin a splica cu nunca e tabata tin problema na e scol y e no conoce e juffrouw y ta e dia cu e mester a bin scol pa e mucha, el a conoce e juffrouw di klas.
E mucha no por keda e scol mas, pio loke e mayornan a haci door di papia riba dje. Nan a kere e juffrouw, kende a caba di yega e scol. E mucha ta cu mayoria di e demas alumnonan for di kleuter. Ora cu DPS a yama sra. Saladin, nan tambe a lag’e sigui masha malo mes. Nan a bis’e cu tin cu compronde, pasobra cualkier mayor ta actua asina ey, cual no ta husto. E mayornan no tabata tin mag di hiba e mucha su so den kantoor.
Inspectie por haci hopi cos, cual nan ta bay haci tambe, mirando cu sra. Saladin tin confiansa den nan. Den scol y DPS no tin confiansa mas. E no ta kere den ningun di dos mas, pasobra un ta tapa pa otro.
E deseo di sra. Saladin, ta pa manda e mucha otro scol. E mucha tin masha miedo di e mayor cu a confronte na scol. E no kier haya su mes den e situacion mas, sra. Saladin a bisa na yoramento.
El a menciona cu tin dos mayor a bay entrega keho na DPS contra di un mucha di 10 aña, door cu e juffrouw a yama algun mayor den e klas, pa pone nan contra di e mucha y pa papia cosnan asina di e mucha, segun sra. Saladin.
Sra. Saladin a splica cu e asunto a sali riba Facebook, cual ta masha mahos, segun DPS. Nan no a keda contento cu e asunto a sali riba Facebook y a base di esey y cu e juffrouw a bin traha diaranson, pero a bay cas bek y a keda rabia, pasobra nan no a dune chens pa bin traha. For di eynan el a cuminsa yama e mayornan.
Por ultimo sra. Saladin a splica cu e mucha mester di un ayudo, al igual cun’e mes. Pasonan lo bay wordo tuma, el a accentua.