Pa nos leynan electoral, tur partido politico cu no tin representacion den Parlamento, lo mester reuni un gran cantidad di firma, pa nan por participa den eleccion di Staten. Dialuna mainta nos a papia cu lider di partido CURPA, Sra. Christina Lampe cu ta splica cu diabierna ultimo, 4 di Augustus, cu tabata e dia cu nan a entrega di lista a bay hopi bon. Pero awo nan lo kier pa pueblo dunanan e sosten pa cu e 578 firma cu nan mester haya pa por participa den eleccion.
Sra. Lampe a felicita e organisadornan di Electorale Raad pa con henter e proceso di entregamento di lista a bay. El a sigui bisa cu tur hende tabata contento y e expectativa pa e dia di eleccion ta hopi grandi. E reto mas grandi di CURPA ta pa nan logra cera cantidad di firma necesario pa por participa na eleccion di September 2017.
Partido CURPA lo a bay ta e diferencia den e proximo gobernacion y pa cual Sra. Lampe, lider di partido a haci un yamada na tur nan sostenedonan, simpatisadonan y publico en general pa bin duna nan sosten pa partido CURPA, pa asina sigura nan participacion na e proximo eleccion.