E aña aki SKOA ta lansa un proyecto cu cual nan lo cuminsa cun’e pa e aña escolar 2017-2018. Esaki ta bay ta un prueba diagnostico. Staf-functionaris di SKOA, Sra. Gunn, ta splica kico esaki ta encera.
Tur e studiantenan cu na e momentonan cu ta haciendo nan ultimo aña di sistema basico y cu tin un advies cu e sistema secundario cu nan lo sigui ta un MAVO, nan lo bay haci un prueba diagnostico. Esaki lo tuma luga den e di 3 siman di Juli. Lo cuminsa cu e materia di Aritmetica. E pakico di e prueba diagnostico aki, ta pa asina SKOA tin bista mas specifico riba cua area cada alumno ta rekeri ayudo extra.
Sra. Gunn ta sigui splica cu SKOA ta kere fervormente cu e studiantenan tin derecho di haya ayudo a base di nan necesidadnan y asina e studiante su posibilidad pa e por mehora e habilidadnan pa cual e tin dificultad cu nan lo bira miho,
E prueba diagnostico aki, e mayornan lo ricibi un carta unda ta informa nan ki dia e prueba lo tuma luga., cua lo tin un duracion di 2 dia. Tambe lo informa e mayornan cual scol nan tin cu bay pa asina haci e prueba aki.
Tur aña SKOA ta ricibi hopi formulario di aplicacion di muchanan tambe di cual mayor ta dicidi pa nan yiu por sigui un sistema secundario na un di e MAVO schoolnan cu ta resorta bou di SKOA. A base di esaki e ora e muchanan cu keda admiti, esakinan lo haci e pruebanan.
E meta ta pa e studiante tin mas satisfaccion den siñamento y pa mehora e relacion di e cuerpo di directorado di scol primario y secundario. Conhuntamente ta traha riba mehoracion riba tur e materianan cu e muchanan por desempeña na scol.
E materia di Aritmetica ta bin dilanti den varios otro materianan cu e mucha lo haya na scol. E prome prueba lo cuminsa den e siman di 19 di Juni y lo tin un duracion di dos dia. Esaki ta algo adicional, practicamente.
Den e aña escolar cu a transuri, e muchanan mester a haci un prueba, pero esaki tabata den totalidad di e klas, riba e area di Aritmetica. E biaha aki ta mas individual, dus si un mucha tin como conseho cu e mester sigui un sistema di MAVO, ya e scol unda lo bo sigui bo estudio tin un bista riba cual di e areanan bo mester di ayudo den Aritmetica. E ta mas dirigi ariba necesidad individual di cada studiante.
E proyecto aki no a bin sin mas, pero Sra. Gunn tin dos aña ta coleccionando data y awo a yega e momento di tuma accion pa asina duna un miho guia na nos hobennan. Si un hoben sinti cu e ta haya ayudo, esaki tambe lo ta un estimulo pa e hoben por sigui studia.