Na oficina MK Legal tabata tin e conferencia di prensa tocate e expulsion di Sr. Rene Bernabela como miembro di sindicato TOPA. Riba e mainta aki, abogado Peter Mohamed a hiba palabra y a bisa; ‘Despues cu mener Bernabela acerca mi persona pa defende, door el a haya un carta di expulsion di TOPA, mi a dicidi di tuma su caso’. Abogado Peter Mohamed ta indica cu nan a sinta na mesa cu e directiva di TOPA, pero aki no a yega na un acuerdo. A tuma e desicion di bay corte pero prome cu nan a drenta den e sala di corte e abogado di TOPA a acerca nan pa asina retira e carta di expulsion pa Sr. Bernabela, y cu e por sigui ta miembro di TOPA.
Sr. Rene Bernabela ta haci declaracion di e acontencimentonan cu a tuma lugar. Ta splice cu riba diahuebs pa 8:30 am, nan mester a drenta den sala di corte pa e motibo cu el a haya un carta di expulsion di TOPA y a wordo acusa di diferente cargo sin cu tin niun prueba na su contra.
