E Departamento di Turismo ATA ta den un proceso di midimento pa asina haya sa con pa trece mas turista crucero segun Sr. Mario Arends.
Obhetivo di ATA ta di subi entrada di turismo di crucero pa Aruba y parti di esey ta hopi importante pa midi’e y tambe cu por compronde un tiki mas e patronchi di comportacion di nos bishitantenan. Unda nan ta cumpra, y unda nan ta bishita.
Unabes cu compronde esye miho por adapta e maneho y wak kico por haci pa mehora y subi e impacto economico. A base di esey, Aruba Tourism Authority hunto cu Strategy Planning Research su departamento na ATA.
Nan ta conduciendo un survey cu a cuminsa desde aña pasa y e meta tabata pa compronde con e turistanan di crucero ta comporta. Y con pa uza e informacion ey pa sigui stimula y sigui mehora mas tanto posibel e experiencia y e impacto economico di Aruba.
Tabata tin varios surveys cu Strategy Planning Research a haci, door di haci diferente preguntanan na turistanan di crucero, caminda diferente puntonan interestante a bin afo. Pero ta bon cu ATA mes por determina pa Aruba nan preocupacionnan.
Nos bishitantenan ta hopi contento cu Aruba y nan ta rank Aruba hopi halto. Hopi di nan ta kies un itinerario pasobra Aruba ta riba dje. Esey ta duna un indicacion cu ta haciendo un bon trabao.
Pero di otro banda, ta haya informacion tambe cu por mehora un tiki mas. Y hopi di esey tin di haber cu informacion, cu nos mester otorga na e turistanan. P.e., nan ta puntra pa mas informacion di e restaurantnan of unda pa shop, unda e beachnan ta keda.
Ora ATA haya e informacion aki, a base di esey lo mester bay adapta, con lo logra cu a pesar cu porta ta dunando e informacion aki caba na waf, pero con lo por haci esaki mas miho posibel. SI research ta bisa cu mester mas informacion, lo mester busca manera pa haci esaki.