Hunta di Comisario di N.V Elmar ta informa cu entrante 1 December 2018, Sr Ing. Albertico Koolman ( Tico ) lo keda encarga cu e maneho ( temporario ) di Elmar. Esaki na lugar di Sr. Filomeno E.I. Maduro ( Shonno ).
Na juli 2018 Sr. Maduro, como presidente di Hunta, a keda encarga cu e maneho di Elmar durante ausencia ( “ontstentenis”) di e director. Conforme articulo 14 lid 3 di statuto di Elmar y cu aprobacion di Hunta di Accionista A, Sr. Maduro a encarga Sr. Koolman cu esaki.
Sr. Koolman ta goza di e confiansa di tanto Hunta como sindicatonan di Elmar. Hunto cu Sr. Koolman Hunta ta di spera di tuma e prome pasonan pa trese e compania bek na e nivel cu ta coresponde na un compania estatal manera Elmar. Hunta di Comisario di N.V Elmar ta desea Sr. Koolman hopi exito.