Sr. Ernst Mohammed, presidente di Camara di Comercio a bisa cu ta importante pa tur hende ta na altura, cu tin free enterprise, pero tambe mester tin un crudent free enterprise. Mester tin un control. Tur hende mag di participa, pero con bo ta bay regul’e. Y esey ta bira un reto pa gobierno, pero KVK por avisa con pa haci esaki.
Ora cu KvK ta duna advies y e ROPV, tin reglamento y guia, pero tambe mester tin un maneho. No por stop supermercadonan di lanta tur rond, y esey no por stopnan. Pero haci esaki den un moda prudente.
Tambe a ricibi kehonan cu prijsnan pa trece mercancia Aruba, via Barcadera a bira hopi caro na December, y Camara di Comercio ta bezig ta investiga esaki. Tur cos tin su dos banda di medaya. Sr. Mohamed a sigui bisa, cu tur cos awendia tin su gastonan cun’e.
Mester warda e advies di Bureau Advies Orgaan, pa wak ki opcion tin pa baha gasto. Riba e pregunta cu si comerciantenan tabata na altura cu e gastonan lo subi, esey Camara di Comercio lo mester investiga y lo bin cu conseho pa gobierno. Sr. Mohammed a enfatisa cu nan por duna conseho, pero nan no por obliga gobierno pa sigui nan conseho.
Cada consecuencia ta gobierno lo mester carga esaki.