E aña aki Cuerpo Policial ta celebra nan 31 aña y eynan ta wak cu polis tey pa sirbi e pueblo. Sr. Edgard Maduro, di sindicato SPA ta amplia.
Sr. Maduro a manda palabranan di felicitacion pa Cuerpo Policial completo y a bisa cu awo cu e union cu tanto a lucha p’e awo tey den KPA. El a sigui bisa cu den pasado el a bisa cu tin algun cos pa drecha den KPA, pero cosnan a drecha hopi mas awo. KPA mester sigui uni y sigui traha pa e pais, pa ta mas moderno y pa sigui haci un bon trabao.
Comunidad ta sinti cu nan no ta sigur mas ni den nan propio cas y pa Sr. Maduro e reto mas grandi pa KPA ta e union y pa sigui traha pa Aruba y lucha contra e criminalidad. Cu mas moderno Sr. Maduro, KPA mester bira mas moderno cu e criminalnan ya cu nan ta basta moderno y tambe nan ta uza sabiduria.
Cuerpo Policial ta trahando ariba diferente ideanan, no solamente esunnan mas grandi, pero esunnan jong tambe pa asina trece hunto, y present’e pa asina haya e aprobacion pa yega na un solucion pa cada problema cu tin den KPA y tambe pafo, vooral pa combati criminalidad.
Por ultimo Sr. Edgar Maduro a bisa cu ideanan cu nan tin ta pa purba yega na soluciona problemanan y asina nan por focus mas pa futuro. El a sigui bisa cu tur idea, placa y tempo ta hunga un rol. Pero nan lo cuminsa traha ariba dje y lo bay wak despues kico e decision lo bay ta.