Parlamentario Mr. Donny Rasmijn, di Mi Tas Resuable, lo enfoca riba e ley di e saco di plastic y a remarca cu por conta riba acogida di 80% y esaki ta un resultado hopi positivo. Den ley ta prohibi pa den cada tienda pa duna un saco di plastic pa hiba e material aden. Aunke el a cay di sorpresa, ya cu hopi luga a kere cu nan lo tin 6 luna tempo pa adapta na e ley aki. Aworaki e ta full na vigor. E ta comprendibel cu algun luga ainda ta buscando alternativa, pero ta haci nan best.
Cada biaha cu un melding bin aden, cu nan no ta cumpli, nan lo wordo acerca. E parti di enforcement di parti di polis falta ainda, pero si tur hende cumpli 100% esaki lo no ta necesario.
Como bon mayordomo di nos naturalesa y medio ambiente, ban cumpli cu nos naturaleza y ban proteha nos dushi isla Aruba.
Bayendo pa di 3 siman cu e ley ta en efecto, hopi hende no ta prepara pe. Bo ta yega supermercado, nan ta dunabo caha. Hopi supermercado tin saconan reusabel, y e intencion ta pa keda uza esakinan. Pero, por bisa cu en general e ta canando hopi bon, tin incidentenan pero tur hende ta compronde e importancia di un ley asina aki. Mester proteha e medio ambiente pa nos futuro generacionnan.