Den presencia di hopi invitadonan cu ta traha cu e tema di abuso sexual di mucha Sra. Shaka kock miembro di directiva di fundacion respetami ta conta riba spotnan nobo cu a manda traha riba e tema di abuso sexaul di mucha.
Directiva di Fundacion Respetami tin mas di un aña trahando ariba e parti di prevencion di abuso sexual di mucha. Cu e spotnan nan kier trece dilanti, cu no ta distingui edad y cu e parti di status social economico, y tampoco e abusador. E por ta hende homber y hende muhe. E por ta mucha hombernan tambe por abusa di e muchanan, door cu kisas nan tambe a pasa aden.
Fundacion Respetami su meta principal ta prevencion. E ta kere cu solamente, cu asina cu tende e palabra, e ta un taboe den comunidad. Na Aruba ainda e cifranan no ta mucho cla, ya cu tin diferente puntonan cu ta wordo colecta ariba diferente manera. No ta tur hende ta colecta e datanan na e mesun manera, dus e ora no por ponenan hunto. Dus no sa precies cuanto sa pasa na Aruba, pero e ta hopi ya cu tur instancia ta haya e cifranan.
Un di e stapnan den e parti di prevencion ta pa laga hende papia di dje, y tambe pa ta consciente cu tin instancianan cu ta yuda den esey.
Cu esaki nan kier conscientisa e comunidad di Aruba, cu e tey, cu e sa pasa. Violencia sexual, segun cifranan, pa cu menornan di edad a subi.
Hopi hende ta kere cu nada no ta ser haci pa sigui preveni caso den caso di abuso sexual di mucha, pero ta hopi ta e instancianan cu envolvi den e topico aki. En berdad cu pa añanan largo, ta bin dilanti, cu nada ta wordo haci.Tras di cortina ta hopi trabao tin pa cu e parti aki. E prome spot ta e prevencion.
Tin un ley, unda cu castigo di te cu 18 aña pa abuso di mucha. Mester a bin cu meldpunt, y segun Sra. Kock, tin hopi instancia cu ta trahando ariba esaki. E spot ta pa educa mayornan riba abuso sexual di mucha ta cla y esaki lo wordo pasa na television y na cinema, e lo ta ariba nan pagina di Facebook y tambe ariba youtube. Ta pidi pa sigui share e spot y lanta e conscientisacion pa cu abuso di mucha.
E spot ta duna e mensahe pa cu si algo pasa, pa busca ayudo. E ta un topico cu mester papia di dje, y cu no ta algo cu ta taboe mas. Si scolnan ta habri, nan lo por haci uzo di esaki pa conscientisacion na e hobennan. Tin
Tin hopi caso, cu no a wordo soluciona di abuso di mucha. Sra. Kock den su trabao, como Orthopedagoog, si tin casonan cu a wordo soluciona, pero mester tene na cuenta cu hopi biaha e casonan mes no ta bin dilanti. E tipnan pa preveni abuso sexual, comunicacion habri, pero para keto tambe na e educacion sexual, pero esey mester cuminsa na cas. E no mester ta un taboe, e ta un fase di desaroyo masha normal cu hende ta pasa aden, papia abiertamente ariba educacion sexual y no warda te ora cu bo yiu ta un teenager. Esaki segun Sra. Saka Kock, di Departamento di Asuntonan Social.