Diasabra atardi e caminda paden di Pos Chikito pariba di ex Dti un nissan kicks y un honda fit nan spiel di auto a dal contra di otro den unda e caminda di parti smal y aki e chauffeurnan a baha pa atende cu otro.
E chauffeurnan a intercambia palabra y aki e chauffeur di e honda fit a dal e chauffeur di e nissan kicks un mokete den su cara y a start un pelea. Hendenan cu a mira e situacion a informa polis cu e chauffeur di e nissan a bay vloer.
Patruyanan ta presenta di biaha n’e sitio y atende cu e situacion y a saca afo kico a pasa y a detene e chauffeur di e honda pa agresion debi cu e homber di e nissan kicks tin golpi na cara y tabata sangra.
Ta conoci cu tin hopi caminda cu e distancianan di otro ta smal cu ta pone cu dos auto no por topa cu otro mes momento, y nos por a tuma nota di esaki momento cu e personal di roadservice tabata midi e caminda.
Paramedico a controla e chauffeur di e nissan kicks n’e sitio mes y a keda cu conseho atras, a pone supla na e sitio y a surpasa e alcohol y a keda deteni y hiba pa warda di Polis.