Un obheto no identifica a wordo mira na e sitio di buskeda andando pa un submarino Indones cu a disparce cu 53 tripulante abordo. Autoridadnan a adverti cu a keda masha poco ora di oxigeno.
Un barco naval Indones a detecta un obheto cu resonancia magnetico na un profundidad di 50 pa 100 meter, un hefe di unidd central di informaciondi ehercito, a bisa den un conferencia di prensa diabierna.
Armada di Indonesia ta spera cu su barco di guera Riquel, yega na e area di buskeda. E barco ta ekipa cu un Sistema di tecnologia moderno, cu ta uza ondanan fini pa localisa obhetonan. Marina tin speransa di por haya KRI Nanggala-402, un submarino di fabricacion Aleman cu a perde contacto durante un ehercicio militar den e Bahia di Bali diaranson ultimo.
Almirante Yudo Margono, hefe di personal di Armada Indones, a bisa cu e nave tin suficiente oxigeno pa tur esnan abordo te cu diasabra marduga (hora local).
Margono a bisa cu KRI Nanggala-402 y henter su tripulacion ta bon prepara. Su ultimo mantencion tabata aña pasa na Surabaya.
E militarnan ta sospecha cu un derame di petrol mira cerca di e punto di buceo diaranson ta bini di e submarino.
Margono a bisa cu tin dos splicacion a e derame detecta den superficie: e tanki submarine lo por tin un leak pasobra el a bay demasiado profundo of e submarino a laga likido los den un intento pa subi na superficie.
E submarino tin capacidad pa baha te cu 500 meter bou di nivel di lama, pero autoridadnan ta calcula cu el a bay 100 pa 200 meter mas hundo cu esey.
Australia, Singapur y Estados Unidos a manda ayudo pa e buskeda di e submarine desapareci y Australia a nuncia cu e lo manda dos barco pa e sitio.