Na comienso di siman den oranan di atardi, na aeropuerto e atletanan di Special Olimpics Aruba a yega for di Hulanda cu 6 medaya.
Special Olimpics Aruba a participa den e weganan mundial cu a tuma luga na Berlin, Alemania. E competencia ta bira cada biaha mas fuerte y esaki no tabata e excepcion, pero e atletanan di Aruba a duna nan miho participacion y esfuerso den e competencia y nan a logra haya medaya den 4 di e deporte aunke landamento a wordo descualifica. Den tennis di mesa a logra medaya un di oro y di bronze, den Bowling a haya bronze y den football a haya silver y den badminton silver y oro.
Sr. Karel Williams agrega na e yegada na aeropuerto, “E competencia dia pa dia ta mas fuerte y e preparacion di Aruba mester mehora pa e atletanan por duna miho participacion”, e calidad cu nan ta topa afo ta halto y e reglanan ta mas fuerte.
Cu e preparacion cu nan tabata tin nan a logra haci un bon trabao pero mester di mas, pa e proximo competencianan, cu nan ta bay tin, segun Sr. Karel Williams.
Un di nan proximo participacion lo ta na e kingdom Games na Bonaire pa november y otro aña tin Nacional Games na Hulanda unda tin e participacion di diferente parti cu a wordo invita. Actualmente no mester warda cada cuater aña, awo tin mas actividad di deporte henter e aña y door di esaki Special Olimpic ta busca mas atleta y lo cuminsa acerca e scolnan.