Spaña por keda te cu seis luna mas cu medida di ‘Toque de queda’

Madrid ta un di e regionnan di mas afecta, cu e restriccionnan di mas stricto Foto: REUTERS

Spaña a declara un estado di emergencia y impone un ‘toque de queda’ [curfew]  parti anochi pa purba na controla e aumento nobo den infeccion di Covid19. Prome Minister Pedro Sanchez a bisa cu esaki – cual a wordo introduci diadomingo anochi – lo ta entre orarionan di 11pm pa 6am.

Bao di e medidanan aki, autoridadnan local tambe por prohibi viahe entre e regionnan. Sr. Sanchez a bisa di lo puntra parlamento pa extende e reglanan nobo, inicialmente pa un periodo di 15 dia, cu por bay te cu na 6 luna.

Spaña a haya un sla pisa durante e prome ola di e pandemia anto tabata tin un lockdown mas stricto, un di esunnan di mas stricto na mundo.

Manera varios otro nacion Europeo, el a wordo confronta awo cu un di dos ola di infeccion.
Na Italia, restriccionnan nobo tambe a wordo anuncia Diadomingo. E gobierno a laga sa cu e aumento di e casonan ta causando un problema grandi den e servicionan medico di e pais.

Mientrastanto na Francia a raporta un record nobo di infeccion pa dia. Un total di 52, 010 infeccion a wordo raporta Diadomingo, cual a surpasa 45,000 cu tabata tin diasabra.

Fuente: BBC

Comments

comments