MADRID , Spaña – Spaña no tin intencion di cera su frontera cu Gibraltar depsues cu Reino uni bandona Union Europeo, e minister di Exterior Spaña, a sigura den un entrevista publica diadomingo.
E enclave di shete kilometer cuadra y un poblacion di 33 mil habitante, ta depende di su frontera chikito cu Spaña pa comercia of ricibi bishitante of trahado.
Mas of menos 10 mil persona cu ta biba rond, ta drenta diariamente pa traha den el Peñon y su Gobierno ta teme cu Madrid ta pone cosnan mas dificil na e frontera.
“E intencion no ta pa cera e cura: e idea ta pa e Spañonan cu ta biba den e campo di Gibraltar y traha na Gibraltar, sigui haci e mesun cos tur dia,” Alfonso Dastis a sigura, den un entrevista publica den e corant “Un Español.”
E dictador Francisco Franco a cera e frontera na 1969 y e paso liber entre e dos bandanan, no a reestablece plenamente te cu na 1985, dies aña despues di su morto.
E decision di Madrid di flexibilisa su politica fronteriso a wordo mira den su momento como parti di su apuesta pa logra haya apoyo pa drenta den e Comunidad Europeo, precursor di Union Europeo, di cual e ta forma parti desde 1986.
E teritorio chikito a wordo cede di forma perpetua pa Spaña na Reino Uni na 1713, cu e Tratado di Utrecht, tras e guera di sucesion Spaño.
Desde e tempo ey e tabata obheto di no poco incidente entre ambos pais. Madrid a propone na 2002 comparti e soberania riba e Peñon cu London, pero e oferta a somete na unr eferendum na e enclave y a wordo rechasa.
Fuente: NTN 24