CALIFORNIA, Merca- Na april, Elon Musk a anuncia plannan pa haci e di dos etapa por wordo uza di nobo, mescos cu e di prome, cu a bolbe varios biaha bek, exitosamente, despues di e lansamentonan.
SpaceX a dicidi di no modifica e di dos etapa di e raket portado Falcon 9 pa wordo reuza, segun e fundado y hefe di e compania, Elon Musk, a bisa mediante un tweet.
“Den tur esey, SpaceX ya no tin plan pa actualisa e di dos etapa di Falcon 9 pa reuza esaki. Na su luga, nos lo haci lihe cu e (raket interplanetario) BFR. E diseño nobo ta impresionante! Hopi contrario na e sentido comun”, Musk a scirbi.
Na mes momento, contestando un di su lectornan, e empresario a aclarea cu e diseña a pasa door di “cambionan radical”.
E prome etapa di Falcon 9 a reingresa rapidamente cu exito pa nos planeta depsues di e lansamentonan y a wordo reuza. Na april, Musk a anuncia su plannan pa haci cu e di dos etapa sea reuzabel tambe. Esaki ta permiti e empresa pa reduci e gastonan di lansamento y ta haci vuelonan espacial mas accesibel.
E BFR (Big Falcon Rocket na ingles) ta un rake cu ta den construccion actualmente y lo forma parti di un proyecto revolucionario di Space X cu, segun Elon Musk ta spera pronto lo permiti e ser humano biaha pa planeta Marte y biaha rond mundo den un tempo record.