Mi gradua como Bachelor of Arts den Trabao Social y Desaroyo na Universidad di Aruba, dia 3 di Augustus, 2017. Mi tesis tabata titula ” Un analisis situacional di e servicionan di bienestar social y programanan di siguridad social pa e grandinan den nos comunidad: Implicacion pa e maneho. Den cumplimento di e Dia Internacional di Personanan Mayor, e conclusion di e investigacion ta wordo comparti cu e comunidad.
Esaki tabata un investigacion for di mi lessenaar, combina cu bishita- y entrevistanan realisa cu representantenan di institucionnan publico y priva di cuidado a largo plaso y entrevistanan cu informantenan clave. E resultado di e investigacion ta revela cu Aruba ta uni su mes na resto di mundo den tin un creciente enbehecimento di e poblacion. Ta wordo proyecta cu e enbehecimento di e poblacion di Aruba lo sigui crece den e proximo decadanan, compara cu e otro islanan den Caribe (United Nations Population Division 2002 y CBS Aruba 2012). E enbehecimento di e poblacion ta trece cambionan social grandi, cu ta implica cu casi tur e sectornan di sociedad, incluyendo labor, economia, salud y soporte financiero. Lo bay tin un demanda mas grandi pa bienes y servicio, manera asistencia sanitario, vivienda, transporte y proteccion social, como tambe apoyo familiar y apoyo social. Aunke e preparativonan den e comunidad di Aruba pa e demanda a bin a lo largo di e añanan, ainda tin e necesidad di mas servicio.
E analisis situacional parce di ta mustra cu na Aruba, e servicionan di proteccion social y proteccion social parce di ta bastante extenso. Tin disposicionnan pa seguro social nacional, e atencion a largo plaso, e atencion institucional y servicionan comunitario. E beneficio di seguro medico nacional y e siguridad social ta sigura cu nan ta enbehece cu dignidad y gracia, y nan ta e envidia di e resto di e islanan Caribense di habla Ingles.
Algun di mayor recomendacionnan describi den e tesis ta inclui lo siguiente:
– Introduci trahado social tanto den e casnan di cuido publico como esunnan priva
– Un comunicacion efectivo y colaboracion di tur e casnan di cuido a largo plaso
– Implementacion exitoso di e “Ley pa Cuido di nos Grandinan”. Politica di cuido di nos grandinan. Otro recomendacionnan ta inclui pa mehoracion di mueblenan den e area di trabao y introduci educacion di cuido di hende grandi den scolnan , na tur nivel.
– Establece e cuido di un asilo
– Educacion pa e cuido di e edad
– E populacion trahado mester spaar mas y tuma extra precaucion y mehora e espacio laboral pa cumpli cu e necesidad manera stoelnan y lessenaarnan mas halto
Riba dia Internacional di Nos Grandinan, mi ta manda un saludo cordial pa tur nos grandinan. Danki pa boso contribucion.