Sindicato di Polis SPA, a yama un conferencia di prensa unda sr Rodney a trece algun punto di preocupacion y disgusto cu ta reinando den miembronan policial.
Ta practicamente 3 aña sin un uniform nobo, ta bringando basta tempo cu leiding y a yega e momento pa bisa basta. Rodney a presenta varios KM foi 2021 di dia cu mester a bisti e uniform. E uniform no a resulta di bon aki y tin hopi problema cune, tin colega cu tin 1 uniform actualmente y nan tin cu laba strika cune pa eherce nan trabou debidamente.
Minister Rocco Tjon ta haciendo su best y a duna SPA prueba cu el a cumpli y aproba tur cos y tur cos ta mustra cu e problema ta interno den e besdrijfsvoering di KPA. Sea e personanan cu ta traha cu uniform no ta sinti e preocupacion mescos cu e miembronan di KPA. Tin colega ta traha 16 pa dia, y ora bo yega cas bo tin laba e uniform pa wak pe seca den menos cu 7 ora y bo bin traha bek aki 8 ora of bay cu e uniform sushi di cual no ta husto.
Nos den KPA a sufri basta pa cu uniform, te hasta pa boets tin problema. A para bira cu si bo no entrega bo boets bieu bo no ta haya un nobo segun reglanan di Landsbesluit uniform mester tin dos boets pa aña, nada di puntra. Ta papiando di añas caba cu esaki ta andando.
