BUENOS AIRES, Argentina – E marcha di e economia di America Latina, ta “decepcionante” pasobra e ta experimenta un crecemento modera compara cu e repunte cu e resto di mundo ta biba aden, Roberto Sifon, ehecutivo di Standard & Poor’s pa America a bisa Reuters diahuebs ultimo.
E region “cu suerte” ta bay crece 1 porciento e aña aki debi na problemanan interno cu e Gobiernonan ta enfrenta tras di añanan di politica populista, cu a probecha di prijsnan halto di materianan prima pa aumenta gasto, e director ehecutivo di Cualificacionnan Soberano y Finansas Publico pa Americas a splica.
“E region ta bastante decepcionante na e momento ey pasobra e ta mirando un mundo cu ta cuminsando na crece. Merca, principal motor, creciendo un 2.5 porciento (…) Asia ainda ta crecienco 6 porciento, mercadonan creciente, comodidadnan (materianan prima) stabilisa,” e ehecutivo a bisa den un entrevista na Buenos Aires.
“Hopi pais, vooral esunnan grandi di e region, ta bin di hopi aña di comodidadnan halto, cu a permiti haci hopi populismo, hopi gasto cu poco control y esey tin un costo,” Sifon Arevalo a agrega.
Segun e ehecutivo, e Gobiernonan nobo di e region a busca introduci reforma cu ta dificil di bay p’adilanti pasobra nan ta genera conflictonan interno.
Si ta bon, el a alaba e cambionan cu e presidente di Argentina, Mauricio Macri a introduci, tras di asumi cu e fin di 2015, a bisa cu e lo gusta mira un reduccion di deficit fiscal hopi mas rapido.
“Loke ta implica tin un deficit cu ta sigui ta relativamente halto ta cu e nivel di endeudamento ta sigui crece,” el a splica.
Respecto Brazil, unda cu S&P a mantene siman pasa e nota riba “BB” y a cambia su panorama pa “negativo”, a bisa cu e cualificaciont a sperando loke lo sosode cu su deficit.
“Nos ta enfoca riba e plan di reforma cu e Gobierno ya cu ta bin anunciando ya pa un tempo caba, cu nos kier mira cu di e reformanan realmente por efectivamente implementa,” el a splica.
Colombia y Peru
Na Colombia, unda cu S&P tin un perspectiva negativo, Sifon Arevalo a bisa cu den un eventual modificacion di su cualificacion lo depende di e cifranan oficial cu lo surgi tras di e implementacion di e reforma fiscal aproba pa fin di aña pasa.
E cualificado a bisa cu tin un expectativa di crecemento “relativamente abao” na Peru ya cu e caso Odebrecht, cu tabata tin un fuerte repercusion den e pais, a impacta den e actividad ecnomico den afecta obranan di infrastructura.
Si ta bon, e pais Andino tin un cualificacion hopi halto, BBB+ dentro di e grado di inversion, e economia “dos aña pasa, tabata mas comodo riba e nivel aki di cualificacion cu awo,” e ehecutivo a indica.
Fuente: www.reuters.com