Den e ultimo lunanan aki tabata tin avalancha di atraco riba nos isla, den oranan di anochi te hasta marduga na luga cu ta keda habri. Practicamente casi tur e atraconan tabata hende local aden, tres hende homber manera victimanan ta bisa.
Esaki a pone cu recherchenan di atraco team hunto cu recherche di San Nicolas tabata trahando duro pa resolve esakinan. Bon coordinacion den e oficialnan den Cuerpo Policial, usando e tacticanan pa logra gara e movecionnan unda e atracadornan aki por a move.
Esaki a haci cu diabierna den oranan di marduga un team grandi di recherche, hunto cu Arrestatie Team bou guia di Fiscal di ministerio publico a denta Sabana Basora detene total di 5 persona. Den esaki 4 hende homber y 1 hende muhe. Debi cu a usa arma di candela den e atraconan a pone cu a usa arresatie team pa kibra drenta e casnan aki. Hues comisario y Fiscal tabata presente. Den e personanan deteni tin e rumannan Ramires conoci pa husticia.