LONDON, Inglatera – E 12 sospechosonan deteni relaciona cu e atentado cometi dia 22 di Maart na London, caminda cu cinco persona a muri, incluyendo e agresor, a wordo poni den libertad sin cargo, polis Londinense a informa diasabra.
Segun un vocero, e ultimo di e detenidonan aki ainda tabata bao di custodia, un homber di 30 aña aresta den e ciudad Ingles di Brimingham, a wordo libera y e resto a wordo libera den e ultimo dianan, sin cu a presenta cargo.
Cuater persona a fayece y mas di 20 a resulta herida, como resultado di e atake, caminda cu e Britanico Khalid Masood, a dal varios peaton riba e brug di Westminster, prome cu el a dal su auto riba e cura di Parlamento y a asesina e polis, Keith Palmer, puñalando e, caminda cu despues el a wordo abati pa e otro agentenan.
E victimanan fayece den e incidente aki ta e Mericano Kurt Cochran, di 54 añam e Britanico di origen Spaño, Aysha Frade, di 44 aña y e Britanico Leslie Rhodes, di 75 aña.
Aunke cu Isis a reivindica e atentado riba un pagina web di propaganda, polis Britanico no tabata por a establece conexion di Masood cu Yihadismo y ta kere cu e tabata actua su so.
Diahuebs ultimo, e investigacion forense riba e suceso a determina cu e agresor di 52 aña y cual nomber di nacimento tabata Adrian Russell Elms, a muri di un solo disparo den su pecho, mientras cu e atake a dura un total di 82 seconde.
E investigacion forense, preceptiva na Reino Uni den caso di mortonan violendo, esaki a wordo posponi te cu dia 19 di Mei.
Fuente: NTN24