DHAKA, Bangladesh – Cu’n operativo rapido un grupo di militarnan a mata un supuesto secuestrado cu a purba drenta den e cockpit di un vuelo di e aerolinea Biman Bangladesh. Esaki a forsa e piloto pa realisa un aterisahe di emergencia, segun funcionarionan di e empresa y di aviacion.
E vuelo di e Boeing 737 tabata programa pa biaha pa Dacca a traves di Chittagong. E supuesto secuestrio a tuma luga un rato despues di a lanta vuelo for di e capital di Bangladesh. E presunto secuestrador, cu a bisa e piloto cu e tabat tin un problema personal cu su casa y tabata kier a papia cu e Prome Minister Banglades, Sheik Hasina, a muri ora cu e comandonan a irumpi den e avion di e Aeropuerto Internacional Shah Amanat di Chittagong, autoridadnan a bisa.
Pistol y explosivo
“Nos a purba di arest’e of logra pa e entrega su mes, pero el a nenga pa cual nos a tir’e”, según e general di ehercito di Bangladesh, Motiur Rahman. Prome cu e comandonan a drenta den e avion, e 142 pasaheronan y mayoria di e tripulacion a sali ileso for di e avion, pero un miembro di tripulacion a keda atras como rehen.
Nayeem Hasan, presidente di e Autoridad di Aviacion Civil di Bangladesh, a bisa cu e homber tabata parce di tin un pistol y explosivonan rond di su curpa. Sin embargo, despues a resulta cu e no tabata tin explosivo rond di su curpa y e arma cu tabata tin tabata uno di co’i hunga.