MILAN, Italia – Fiscalia federal Aleman a confirma diabierna morto di e Tunecino Anis Amri, presunto autor di e atentado cu a sosode dialuna na Berlin, den un tiroteo cu a sosode durante un control policial di rutina na Milan (Italia).
Fiscal Peter Frank a informa den un comparecencia dilanti medionan cu e fingerprintnan di e persona tira na Milan ta coresponde cu esunnan facilita pa autoridadnan Aleman, cual a wordo haya den e cabina di e truck cu dal den e mercado navideño.
No obstante, Frank a adverti cu e investigacionnan a dal un buelta den e caso di e presunto Yihadista ta sigui dilanti, centra awo den e buskeda di un posibel red di complice of colaboradornan cu lo a presete placa of aporta na maneranan di escape.
Ta trascendental establece “si den e preparacion, realisacion di e atentado of den e huida” tabata tin “un red di ayudante” of “complice” cu a duna apoyo na e Yihadista, e fiscal a agrega.
Di e mesun manera, el a considera importante comproba di e arma cu Amri a uza na Milan ta e mesun cu el a uza pa mata e chauffeur di e truck, di nacionalidad Polaco.
Un tercer elemento cu ta wordo investiga ta constata cua tabata e vianan di escape di e presunto terorista, cu segun medionan Italiano, a biaha atrabes di Francia.
Di su parti, e Oficina di Investigacion Criminal (LKA) di Berlin a indica cu algun presunto imagennan difundi diabierna di Amri no tabata en realidad di e principal sospechoso di e atentado di Berlin.
Tabata trata di e grabacion di un camara di siguridad caminda cu e presunto Islamista tabata diamars mainta, ocho ora despues di e atake, dilanti di un mosque di Berlin, conoci pa acoge circulonan radical.
Fuente: NTN24