NUEVA YORK (AP) — Un inmigrante di Bangladesh cu a detona un bomb casero den e station di trein mas druk di e ciudad di New York durante e hora pico, a wordo declara culpabel diamars di cargonan di terorismo.
E sentencia contra di Akayed Ullah den un corte federal di Manhattan a bin despues di un huicio caminda cu defensa a keda mantene cu e Bangladesi su unico meta tabata pa comete suicidio dia 11 di december di 2017. No tabata tin victimanan fatal y e mayoria di e lesionnan no tabata di gravedad.
Despues di cu e veredicto a keda anuncia y e hurado a bandona e sala, Ullah den vos halto a bisa e hues: “Mi tabata rabia cu Donald Trump, pasobra cu el a bisa cu e lo bombardia Medio Oriente y despues e lo proteha su nacion”.
Hues Richard Sullivan a responde: “Awo no ta e momento pa duna declaracion”.
Fiscalnan a bsia cu e acusado tabata kier a mata of mutila pasaheronan como parti di un atake “individual” na nomber di e Estado Islamico . Ademas, nan a rechasa e argumentonan di defensa, bisando cu si Ullah tabata kier a comete suicidio lo e nop a uza un vest cu’n bomb pega na dje. Tambe el a cita publicacionnan riba rednan social di Ullah como tambe e comentarionan cu el a haci despues di su detencion.
E veredicto ta pone un fin na un huicio di un siman unda cu a mustra n video di vigilancia di e dia di e incidente unda ta mustra Ullah na mes momento cu e bom ta faya di rementa, pa cual el a sufri kemaduranan grave den un gang di e station bou di Times Square y di e busstation Port Authority, unda cu e mayoria di e liñanan di metro ta coincidi.