Diasabra mainta e presidente di Parlamento a bay entrega un keho na Cuerpo Policial departamento di recherche den nomber di Parlamento relaciona cu un menasa contra di e edificio. A yega un menasa door di e homber R.Danies riba su facebook cu e lo bay kima e Parlamento di e amienda di registracion di mes un sexo pasa cu tabata un polemica den comunidad pa simannan largo. Por a tuma nota cu diasabra marduga varios caminda tabatin tirenan benta riba caminda na candela y tabatin bomberonan riba pia.
Diasabra mainta e menasa a yega na e presidente di Parlamento y asina a bay entrega keho na autoridad. Di biaha mainta recherchenan a sali bay busca Danies na su cas na San Barbola y a keda deteni. Nan a interoge relaciona cu su menasa tabatin demas hefe di Cuerpo Policial y fiscal di ministerio publico a keda poni na altura di e caso. Asina den oranan di atardi a transporta e sospechoso pa warda unda e lo keda encarcela. Den siman Fiscal lo dicidi si lo prolonga su detencion.